ဂေါက်ရောဂါ ဆိုတာ ဘာလဲ .. ??

ဂေါက် သို့မဟုတ် ဒူလာရောဂါဆိုတာ ဘာလဲ
ဂေါက် သို့မဟုတ် ဒူလာရောဂါဆိုတာ အဆစ်အမြစ်ရောင်ရောဂါတွေထဲက တစ်မျိုးဖြစ်ပါတယ်။ အမျိုးသမီးတွေထက် အမျိုးသားတွေ ပိုအဖြစ်များပါတယ်။ ခန္ဓာကိုယ်က အဆစ်တစ်ခုခု ရုတ်တရက် ပူလောင်သလို နာကျင်လာခြင်း၊ တောင့်တင်း လာခြင်း၊ ရောင်ရမ်းလာခြင်းတွေနဲ့ အစပျိုးဖြစ်တတ်ပါတယ်။ များသောအားဖြင့် ခြေမအဆစ်မှာ စဖြစ်လေ့ရှိပါတယ်။ ဒါပေ မယ့် လက်အပါအ၀င် တစ်ကိုယ်လုံးက အဆစ်တွေမှာလည်း ခံစားရနိုင်ပါတယ်။
ဒီရောဂါက ခန္ဓာကိုယ်ရဲ့ ဇီဝရုပ်ဖြစ်ပျက်မှုဖောက်ပြန်လုိ့ ဖြစ်တဲ့ရောဂါ (Metabolic Disease)၊ ပျက်စီးချို့ ယွင်းသွား စေသောရောဂါ (Degenerative Disease) တစ်ခုဖြစ်လို့ မကုဘဲနေရင် ပိုပိုဆိုးလာတတ်တဲ့သဘာဝပဲရှိပါတယ်။ ကာလကြာ လာတာနဲ့အမျှ အဆစ်တွေ၊ အရွတ်တွေ၊ တစ်သျှူးတွေ ပျက်စီးလာမှာ အသေအချာပါပဲ။
အကြောင်းရင်းတွေက ဘာတွေလဲ
သွေးထဲမှာ ယူရစ်အက်ဆစ်ပမာဏမြင့်တက်လာလို့ ဖြစ်ရတာပါ။ တော်ရုံမြင့်ရုံနဲ့တော့ ဂေါက်မဖြစ်ပါဘူး။ အဆမတန် များလွန်းသို့သာ မာကျောလှတဲ့ ယူရစ်အက်ဆစ် ပုံဆောင်ခဲ (Uric Acid Crystals) တွေ ဖြစ်လာရတာပါ။ အ၀လွန်ခြင်း၊ အရက်အလွန်အကျွံသောက်ခြင်း၊ နေ့စဉ်ပုံမှန် အသားများများစားခြင်းတွေနဲ့ တိုက်ရိုက်ဆက်စပ်ပါတယ်။ အသားစားကြူး တယ်ဆိုတာကို စားသမျှအစားရဲ့  ငါးပုံနှစ်ပုံဟာ အသားဖြစ်နေခြင်းလို့ အကြမ်းဖျင်း ယူဆနိုင်ပါတယ်။ အသားချင်းတူရင် တောင် Sea Food လုိ့ခေါ်တဲ့ ပင်လယ်စာအမျိုးမျိုးဟာ ဂေါက်ကို အထူးဖြစ်စေ၊ ထကြွစေတယ်ဆိုတာ လေ့လာတွေ့ရှိ အတည်ပြုပြီး ဖြစ်ပါတယ်။ သွေးတိုးရောဂါရှိလုိ့ Thiazides အမျိုးအစား ဆီးချဆေးတွေ စွဲသောက်နေရသူများမှာလည်း ဖြစ် တတ်ပါတယ်။ (ဒါပေမယ့် ယနေ့မြန်မာဆေးလောကမှာ ဆီးဆေးပေးရင် Taiazides အမျိုးအစားတွေ ရှောင်ပေးတာ၊ အသုံး မပြုသလောက် နည်းသွားတာ တွေ့ရပါတယ်)
မျိုးရိုးလိုက်ခြင်းဟာလည်း အတော်အသင့်ဖြစ်စေတတ်တဲ့ အကြောင်းတရားတစ်ခုပါ။ လေ့လာစစ်တမ်းကောက်ယူမှု များအရ ဂေါက်ရောဂါရှိသူ အားလုံးရဲ့  ၁၈ရာခိုင်နှုန်းဟာ မိသားစုရောဂါရာဇ၀င်ရှိဖူးသူတွေ ဖြစ်ကြပါတယ်။ ခဲဆိပ်သင့်စေနိုင် တဲ့အလုပ် နေ့စဉ်လုပ်သူတွေ( ဥပမာ- စနစ်တကျ အကာအကွယ် ၀တ်ဆင်မထားတဲ့ ဘက်ထရီစက်ရုံလုပ်သားတွေ၊ ခဲပါဝင်မှု မြင့်မားတဲ့ ရေသောက်သုံးသူတွေ)ဟာ ဂေါက်ရောဂါဖြစ်ဖို့ အရမ်းနီးစပ်ပါတယ်။
ရောဂါလက္ခဏာတွေက ဘာတွေလဲ
ဂေါက် ခေါ် ဒူလာရောဂါရဲ့  အဖြစ်အများဆုံးနဲ့ အထင်ရှားဆုံး လက္ခဏာတစ်ခုကတော့ ခြေမအဆစ် နီရဲရောင်ရမ်းပြီး စူးရှစွာ နာကျင်လာခြင်းပဲ ဖြစ်ပါတယ်။ အထူးသဖြင့် တစ်နေ့တာ လှုပ်ရှားမှုတွေ ရပ်ဆိုင်းလိုက်တဲ့ ညဘက်မှာ ပိုဖြစ်လေ့ရှိပါ တယ်။ ခြေမအဆစ်က အများဆုံး စဖြစ်တယ်ဆိုပေမယ့် ခြေကျင်းဝတ်၊ ဒူးခေါင်းနေရာတွေမှာလည်း အထက်က ပြောခဲ့တဲ့ နာ ကျင်မှုမျိုး ခံစားရနိုင်ပါတယ်။
ဒီလိုနာကျင်မှုဟာ သုံးလေးရက်ကနေ တစ်ပတ်နှစ်ပတ်အထိ ကြာနေနိုင်ပြီး သူ့အလိုလို ပျောက်သွားကာ လနဲ့ချီပြီး ပြန်မဖြစ်ဘဲလည်း ဖြစ်နိုင်တဲ့အတွက် ဆေးခန်းသွားရမှာ ပျင်းသော အမျိုးသားများအနေနဲ့ ဒီရောဂါအပေါ်မှာ အထူးဂရုစိုက် မကုသမိတတ်ကြပါဘူး။ ဒီတော့ အထူးသတိပေးချင်တာဟာ အထက်က ပြောခဲ့တဲ့ နာကျင်မှုမျိုး သင်တစ်ကြိမ်စခံစားရပြီဆို တာနဲ့ ဆေးခန်းသွားပါ။ ဆရာဝန်နဲ့ တိုင်ပင်ပါ။ ဒီလိုမဟုတ်ရင် သင့်ရဲ့ ယူရစ်အက်ဆစ်မြင့်တက်လာမှုဟာ အချိန်နဲ့အမျှ ပိုမို လာမှာမို့ သင့်ရဲ့  ဂေါက်ရောဂါဟာ ဆက်လက်တိုးတက်ဖြစ်ပွားလာပြီး အဆစ်တွေ ပျက်စီးကုန်မှာ ဖြစ်ပါတယ်။ (ဒီနေရာမှာ အလေးအနက်ထားပြီး ပြောချင်တာက အမျိုးသားပဲဖြစ်ဖြစ်၊ အမျိုးသမီးပဲဖြစ်ဖြစ် ထိခိုက်ဒဏ်ရာကြောင့်မဟုတ်ဘဲ ခန္ဓာကိုယ် ရဲ့  အဆစ်တစ်နေရာရာက ကိုက်ခဲရောင်ရမ်းလာရင် ဆရာဝန်နဲ့ သွားရောက်ပြသပြီး လိုအပ်တဲ့ စစ်ဆေးမှုတွေပြုလုပ်ကာ ရောဂါအဆင့်ဆက်မတက်အောင် ထိန်းသိမ်းကုသသင့်ပါတယ်။ ဘာလို့လဲဆိုတော့ ဒါဟာ လေးဖက်နာအမျိုးမျိုးထဲက တစ်ခု ခုဖြစ်နိုင်တာမို့ပါ)
ဂေါက်ရောဂါဖြစ်ကြောင်း ဘယ်လိုအတည်ပြုမလဲ
ဆရာဝန်က သင့်ရဲ့ နာကျင်မှုအနေအထားအကြောင်း အသေးစိတ်မေးပြီး လိုအပ်တဲ့စမ်းသပ်မှုတွေ လုပ်ပါလိမ့်မယ်။ သွေးဖောက်ပြီး သွေးတွင်းယူရစ်အက်ဆစ်ပမာဏ တိုင်းတာပါလိမ့်မယ်။ လိုအပ်ရင် အဆစ်ထဲက ခြင်ဆီရည် (Synovial Fluid) ဖောက်ပြီး ယူရစ်အက်ဆစ်ပုံဆောင်ခဲလေးများ ရှိ၊ မရှိရှာရပါမယ်၊ ဓာတ်မှန်ရိုက်ရပါမယ်။
ဒါတွေလုပ်ပြီးရင် သင့်ရဲ့  ရောဂါအခြေအနေကို ဂဃနဏ သိရှိနိုင်ပါပြီ၊ ဂေါက်ရောဂါရှိနေတယ်ဆိုပြီး ဘာမှစိုးရိမ်ထိတ် လန့်သွားစရာ၊ စိတ်ဓာတ်ကျစရာလည်း မလိုပါဘူး။ အစားအသောက်ဆင်ခြင်ပြီးနေရင် ဘာမှမဖြစ်သလို ဘ၀တစ်လျှောက် လုံး နေထိုင်သွားနိုင်ပါလိမ့်မယ်။
ရှောင်ရမယ့် အစားအသောက်တွေကို အကြမ်းဖျင်းပြောရရင် ဥအနှစ်အမျိုးမျိုး၊ ငါးဥ၊ မျှစ်၊ မှို၊ တွင်းအောင်းသတ္တ၀ါ သား၊ ပင်လယ်စာနဲ့ အနီရောင်အသားများ၊ ကလီစာများ၊ ပေါင်မုန့်၊ ခရမ်းချဉ်သီး၊ အာလူး၊ ခရမ်းသီး၊ အချိုမှုန့်နဲ့ ဘီယာတို့ ဖြစ် ပါတယ်။
ဘယ်လိုကုသမလဲ
လတ်တလော ထကြွနာကျင်နေတဲ့ ဂေါက်ရောဂါကို သက်သာအောင်တော့ ဆရာဝန်က သင့်ကို စတီးရွိုက်အပါအ၀င် ဆေးတွေ ပေးပါလိမ့်မယ်။ ဝေဒနာတွေ လျော့လာတာနဲ့အမျှ သောက်ရတဲ့ဆေးပမာဏလည်း လျော့ကျသွားပါတယ်။ နာကျင် ရောင်ရမ်းမှု အားလုံးဟာ ၂၄နာရီအတွင်း လျော့ပါးပျောက်ကင်းနိုင်ပါတယ်။
မြန်မြန်သက်သာချင်ရင်တော့ အဲဒီရောင်ရမ်းနာကျင်နေတဲ့အဆစ်ကို အနားယူပေးဖို့ လိုအပ်ပါတယ်။ အကိုက်အခဲ ပျောက်ဆေးထဲမှာ အက်စပရင်(Aspirin) ကလွဲလို့ အဆင်ပြေရာ အကိုက်အခဲပျောက်ဆေးသောက်ထားလို့ ရပါတယ်။ အက် စပရင်က ယူရစ်အက်ဆစ်ကို တက်စေတာမို့ ရှောင်ကြဉ်ရပါမယ်။ ဒါပေမယ့် အက်စပရင်က ဒီနေ့ဒီအချိန်မှာ အကိုက်အခဲ ပျောက်ဆေးအနေနဲ့ ခေတ်မရှိတော့ပါဘူး။ (Aspilet ဆိုတဲ့ နာမည်နဲ့ သွေးခဲမပိတ်ဆေးအနေနဲ့ပဲ ရှိပါတော့တယ်။)
ဘယ်လိုကာကွယ်မလဲ
ယူရစ်အက်ဆစ်ပမာဏတက်ခြင်းကို ကာကွယ်ပေးဖို့ သင့်ရဲ့  ဆရာဝန်က သင့်ကို ဆေးတွေပေးပါလိမ့်မယ်။ ညွှန် ကြားတဲ့အတိုင်း အတိအကျသောက်ဖုိ့ မဖြစ်မနေ လိုအပ်ပါတယ်။ ဆေးတွေသောက်နေပေမယ့်လည်း သင်ဟာ ဆရာဝန် ပြောတဲ့အတိုင်း အစားအသောက် ဆင်ခြင်ဖို့ လိုအပ်ပါတယ်။ သင်ခိုင်းသမျှ တာဝန်ကျေခဲ့၊ တာဝန်ကျေနေဆဲ အဆစ်လေး တွေကို သနားပါ။ အ၀မလွန်အောင်လည်း ထိန်းသိမ်သင့်ပါတယ်။ အရက်၊ ဘီယာ အလွန်အကျွံသောက်ရင် သေချာပေါက် ဂေါက်ဖြစ်မှာမို့ ထိန်းသိမ်းဆင်ခြင်ပါ။ ကာကွယ်ချင်ရင် ပုံမှန်သောက်သူ အမျိုးသားများအနေနဲ့ တတ်နိုင်ရင် အသက် ၃၅နှစ် ကျော်တာနဲ့  သွေးတွင်းယူရစ်အက်ဆစ်ပမာဏတိုင်းတာကြည့်သင့်ပါတယ်။ အ၀မလွန်အောင်လည်း ထိန်းသိမ်ပါ။ သွေးတိုး ဖြစ်ရင် ဂေါက်လည်း လိုက်ဖြစ်လာတတ်တာမုိ့ သွေးတိုးရောဂါကိုပါ ကာကွယ်ပါ။
အရည်ရွှမ်းတဲ့ သီးနှံများဟာ (အထူးသဖြင့် စတော်ဘယ်ရီသီး၊ ချယ်ရီသီးများဟာ ဂေါက်ရောဂါကို မထကြွအောင် ထိန်းပေးနိုင်တဲ့ အာနိသင်ရှိကြောင်း လေ့လာတွေ့ရှိထားပါတယ်) ဂေါက်ရောဂါကို တစ်ဖက်တစ်လမ်းက ထိရောက်စွာ ကာ ကွယ်ပေးနိုင်တာမို့ အထက်ကပြောခဲ့တဲ့ အစားအသောက်တွေ တတ်နိုင်သမျှ ရှောင်ကြဉ်ပေးပြီး ရေနဲ့ သဘာဝသစ်သီးဖျော် ရည်တွေ နေ့စဉ်များများသောက်ပေးပါ။ ဒါဆိုရောဂါရှိပြီးသားဆိုရင်လည်း ဂေါက်ရောဂါဟာ သင့်ဆီမှာ ပေါ်မနေတော့ဘဲ ပျောက်ကွယ်နေပြီး စိတ်ချမ်းသာ ကိုယ်ကျန်းမာနေနိုင်ပါလိ့မ်မယ်။ မရှိသေးတဲ့သူတွေလည်း ကာကွယ်ပြီးသား ဖြစ်သွားပါ မယ်။

(ကျတော်.. အွန်လိုင်းမှာ ဖတ်မိသလောက် မျှဝေခြင်းသာ ဖြစ်ပါသည်ဗျာ)